Lögmannsstofan Íslög, sem er í eigu hjónanna Steinars Þórs Guðgeirssonar og Ástríðar Gísladóttur, hagnaðist um 34 milljónir á síðasta ári. Hagnaðurinn jókst um tæplega þrjár milljónir króna milli ára.
Rekstrartekjur námu 115 milljónum og jukust um fjórar milljónir milli ára. Eigið fé félagsins nam 159 milljónum króna í árslok, eignir 219 milljónum en þar af var handbært fé 174 milljónir króna. Lögmannsstofan hefur verið áberandi í störfum fyrir fjármálaráðuneytið og Seðlabanka Íslands undanfarin ár.
