Umdeildar framkvæmdir við Hofsvallagötu hafa kostað borgina tæpar 18 milljónir króna. Það er 3,5 milljónum krónum meira en kostnaðaráætlun hljóðaði upp á. Fram kemur í Fréttablaðinu í dag að öll tilboð í verkið hafi verið yfir áætlun Reykjavíkurborgar sem hljóðaði upp á 14,5 milljónir króna.
Inni í kostnaðinum eru þrjár milljónir króna sem fóru í flögg og fuglahús. Þá kostuðu gróðurkassar tvær milljónir króna. Kassarnir hafa verið skemmdir. Hönnun á framkvæmdunum kostuðu 680 þúsund krónur.
