Úrvalsvísitala Kauphallar Nasdaq Iceland lækkaði um 0,88% í viðskiptum dagsins og stendur hún nú í 1773,43 stigum eftir rúmlega 4 milljarða króna viðskipti.

Mest velta var í viðskiptum með með bréf Eimskips sem lækkuðu um 2,38% í rúmlega 2,4 milljarða króna viðskiptum.

Gengi bréfa Marel lækkaði um 1,42% í 69 milljóna viðskiptum og Nýherja um 1,39% í litlum viðskiptum.

Gengi bréfa VÍS hækkaði um 2,73% í 98 milljóna króna viðskiptum og TM um 3,53% í 86 milljóna viðskiptum.

Vísitölur Gamma

Skuldabréfavísitala Gamma hækkaði um 0,2% í 5,1 milljarða viðskiptum. Þar hækkaði verðtryggði hluti vísitölunnar um 0,15% og sá óverðtryggði um 0,4%.