24 aðilar lýstu yfir áhuga á hlutverki fjármálaráðgjafa og umsjónaraðila með sölu Íslandsbanka. Þar af eru tíu aðilar innlendir en fjórtán erlendir. Þetta kemur fram á vef Ríkiskaupa.
Opnun tilboða í verkið fór fram í dag málið var kynnt á útboðsvef ríkisins fyrir rúmri viku síðan. Kom þar fram að Bankasýsla ríkisins hygðist ráða einn sjálfstæðan fjármálaráðgjafa og einn eða fleiri söluráðgjafa vegna sölumeðferðar á eignarhlutum í Íslandsbanka.
Inn á útboðsvef ríkisins er einnig boðin út lögfræðiráðgjöf fyrir Bankasýsluna í tengslum við alþjóðlegt frumútboð á eignarhlutum í bankanum. Þar er á ferð bæði innlend og erlend ráðgjöf.
Aðilana 24 sem lýstu yfir áhuga á hlutverki fjármálaráðgjafa og umsjónaraðila með útboðinu má sjá hér að neðan.
- ABG Sundal Collier
- Arctic Securities AS
- Arctica Finance hf
- Arion banki
- Barclays
- Carnegie Investment Bank AB
- Citigroup
- Deloitte ehf.
- Deutsche Bank
- Fossar Markets hf.
- Goldman Sachs International
- HSBC Continental Europe Bank, Sweden Filial
- Icelandic Investors hf
- Íslandsbanki
- Islensk verdbref
- JP Morgan
- Kontra ráðgjöf
- Kvika banki
- Landsbankinn
- Nordea Bank Abp, Filial i Norge
- Pareto Securities
- Rothschild Nordic AB
- STJ Advisors
- Swedbank AB