Verslanir selja kilóið af nammi á nammbar á allt að 2.499 krónur. Á sama tíma er lægsta uppgefna kílóverðið frá heildsala 757 krónur. Álagningin er þessu samkvæmt allt að 300% ef ekki er tekið tillit til afsláttar verslana á laugardögum. Á þeim dögum er álagningin allt að 65%.
Viðskiptablaðið fór á stúfana og kannaði verð bæði hjá heildsölum sælgætis og á nammibörum verslana. Niðurstöðurnar eru birtar í blaðinu sem kemur út á morgun. Samkvæmt þeim nemur framboð sælgætis 6.000 tonnum á innfluttu og íslensku sælgæti á ári. Það jafngildir 19 kílóum á mann en það er meira en tíðkast á hinum Norðurlöndunum.
Steinar B. Aðalbjörnsson, næringarfræðingur hjá Matís, segir að fyrir ári hafi honum blöskrað þegar hann sá ástandið við nammibari verslana á laugardögum. Hann líkir látunum við dýragarð og segir Íslendinga þurfa að læra að umgangast nammi.
Ítarlega er fjallað um nammibarina í Viðskiptablaðinu sem kemur út á morgun. Meðal annars efnis í blaði morgundagsins er:
- Félag Steinunnar Guðbjartsdóttur fær nýjan tilgang
- Stjórnendur Ölgerðarinnar ósáttir við Arion banka
- Straumur aðili að milljarðaviðskiptum með Deutsche Bank
- Skiptastjóri gamla Capacent vill 170 milljónir frá nýjum eigendum
- Endurskoðendur segja áhrif veiðigjaldsins neikvæð fyrir útgerðina
- Íslandsbanki segir horfurnar bjartar
- Hagvaxtarspá fjármálaráðuneytis krufið til mergjar
- Faðir evrunnar í ítarlegu viðtali
- Hönnuðir lenda oft fyrir barðinu á hugverkaþjófum
- Leikfimi fyrir börn og foreldra
- Nærmynd af Þórarni G. Péturssyni, aðalhagfræðingi Seðlabankans
- Nýjustu bílarnir ög önnur tryllitæki
- Óðinn skrifar um sjálfstæði Seðlabankans
- Huginn & Muninn eru á sínum stað auk Týs sem vill sjá meiri pening frá slitastjórnum innanlands
- Myndasíður, pistlar og margt, margt fleira.
