300 milljóna munur á toppunum tuttugu

Þeir tutttugu aðilar sem greiða hæstu álagninu opinberra gjalda árið 2011 greiða samtals 1,54 milljarða króna. Fyrir ári greiddu tuttugu hæstu gjaldendur samanlagt 1,84 milljarða króna. Munur á skatttekjum toppanna tuttugu eru því um 300 milljónir króna

Skattakóngur ársins 2011 er Þorsteinn Hjaltested, fjárfestir og eigandi Vatnsendajarðarinnar í Kópavogi. Sú sem tróndi á toppnum árið 2010 var Guðbjörg Matthíasdóttir, útgerðarkona í Vestmannaeyjum og athafnakona. Nú situr hún í fjórða sæti.

Tekjuskatts- og útsvarsstofn landsmanna árið 2010 nam 812,4 milljörðum króna og hafði dregist saman um 0,5% frá fyrra ári. Skattstofnsins var aflað af rúmlega 237 þúsund manns og hafði fjölgað um 0,6% í þeim hópi og var orðinn næstum því jafn fjölmennur og við álagningu 2009. Samanlögð álagning almenns tekjuskatts og útsvars nemur 200,9 milljörðum króna og hækkar um 1,4% frá fyrra ári.