Alls sóttu 32 um embætti forstjóra Ríkiskaupa en í þeirra hópi eru fyrrverandi þjóðleikhússtjóri, fyrrverandi ráðherra og fyrrverandi forstjóri Isavia. Umsóknarfrestur um starfið rann út fyrir viku og var listi yfir umsækjendur birtur í dag á vef
Stjórnarráðsins
.
Í hópi umsækjenda má nefna Ara Matthíasson en hann stýrði Þjóðleikhúsinu þar til í fyrra. Björgvin G. Sigurðsson, fyrrverandi viðskiptaráðherra og fyrrverandi sveitarstjóri Ásahrepps, er einnig meðal þeirra sem sækist eftir stöðunni sem og Björn Óli Hauksson en sá stýrði Isavia þar til á vormánuðum í fyrra.
Björgvin er ekki eini fyrrverandi þingmaðurinn sem sækist eftir starfinu en það gildir einnig um Höskuld Þór Þórhallsson, fyrrverandi þingmann Framsóknarflokksins og formann flokksins í nokkrar sekúndur. Sólmundur Már Jónsson, fyrrverandi mannauðs- og rekstrarstjóri Hafrannsóknarstofnunar, sækir einnig um.
Hildur Georgsdóttir, lögmaður og persónuverndarfulltrúi Ríkiskaupa, er í hópi umsækjenda en alls eru fimm konur í hópi þeirra 32 sem sækjast eftir stöðunni.
Fjármála- og efnahagsráðherra mun skipa í stöðuna á næstu vikum en skipunin er til fimm ára. Listann yfir umsækjendur má sjá hér að neðan.
- Ari Matthíasson Fyrrv. Þjóðleikhússtjóri
- Björgvin Guðni Sigurðsson Framkvæmdastjóri
- Björgvin Víkingsson Head of supply chain management
- Björn Hafsteinn Halldórsson Framkvæmdastjóri
- Björn Óli Ö Hauksson Verkfræðingur
- Dagmar Sigurðardóttir Sviðsstjóri
- Einar Birkir Einarsson Sérfræðingur
- Elvar Steinn Þorkelsson Framkvæmdastjóri
- Erling Tómasson Fjármálastjóri
- Eyjólfur Vilberg Gunnarsson Forstöðumaður
- Guðmundur I Bergþórsson Sérfræðingur
- Guðrún Pálsdóttir Fjármálastjóri
- Helgi Steinar Gunnlaugsson M Sc. í alþjóðasamskiptum
- Hildur Georgsdóttir Lögmaður
- Hildur Ragnars Framkvæmdastjóri
- Hlynur Atli Sigurðsson Framkvæmdastjóri
- Höskuldur Þór Þórhallsson Lögmaður
- Ingólfur Þórisson Framkvæmdastjóri
- Jóhann Jóhannsson Forstöðumaður
- Jón Axel Pétursson Framkvæmdastjóri
- Jón Garðar Jörundsson Framkvæmdastjóri
- Ragnar Davíðsson Sviðstjóri
- Reynir Jónsson Sérfræðingur
- Sigurður Erlingsson framkvæmdastjóri
- Sólmundur Már Jónsson Aðstoðarforstjóri
- Styrkár Jafet Hendriksson Sérfræðingur
- Sæbjörg María Erlingsdóttir Framkvæmdarstjóri
- Sæunn Björk Þorkelsdóttir Forstöðumaður
- Tryggvi Harðarson Verkfræðingur
- Valdimar Björnsson Fjármálastjóri
- Þórður Bjarnason Viðskiptafræðingur
- Þórhallur Hákonarson Fjármálastjóri