Fjöldi þinglýstra kaupsamninga um fasteignir við sýslumannsembættin á höfuðborgarsvæðinu í janúar 2008 var 324. Heildarvelta nam 11,1 milljarði króna og meðalupphæð á hvern kaupsamning var 34,4 milljónir króna. Viðskipti með eignir í fjölbýli námu 6,2 milljörðum, viðskipti með eignir í sérbýli 1,9 milljörðum og viðskipti með aðrar eignir 3,1 milljarði króna. Þegar janúar 2008 er borinn saman við desember 2007 fækkar kaupsamningum um 40% og velta minnkar um 42,7%. Í desember 2007 var þinglýst 540 kaupsamningum, velta var 19,5 milljarðar króna og meðalupphæð á hvern kaupsamning 36 milljónir króna.
38% færri samningar á milli ára
Þegar janúar 2008 er borinn saman við janúar 2007 fækkar kaupsamningum um 37,9% og velta minnkar um 29,3%. Í janúar 2007 var þinglýst 522 kaupsamningum, velta var 15,8 milljarðar króna og meðalupphæð á hvern kaupsamning 30,2 milljónir króna.
