Konráð S. Guðjónsson hagfræðingur Viðskiptaráðs reiknast til að kortavelta Íslendinga innanlands síðustu vikuna í mars hafi dregist saman um 44% frá fyrra ári.
Þetta kemur fram í tísti frá Konráð á samfélagsmiðlinum Twitter, þar sem hann veltir fyrir sér afhverju engar tölur hafi birst með nýrri tilraunatölfræði sem Hagstofa Íslands birti í morgun.
Eins og Viðskiptablaðið greindi frá í morgun upp úr tölunum var erlenda kortaveltan í lok mánaðarins einungis 5% af því sem hún var í upphafi hans, en innlenda kortaveltan sveiflast eftir dögum og sé minnst á sunnudögum.
Í viðbótarathugasemd við eigin færslu segir hann reyndar að bæði heitir tilraunatölfræði, og það sem hann kallar y-ása fælni Hagstofunnar, bendi til að mögulega séu tölurnar ekki mjög áreiðanlegar.
„En fallið er svakalegt engu að síður,“ segir Konráð.
Einhverra hltua vegna birti Hagstofan engar tölur með nýrri tilraunatölfræði um kortaveltu í morgun.
— Konráð S. Guðjónsson (@konradgudjons) April 6, 2020
Það er samt lítill vandi að áætla þær sæmilega: 44% samdráttur kortaveltu Íslendinga innanlands síðustu vikuna í mars.
Fyrri mynd: Niðurstaðan
Seinni mynd: Aðferða"fræðin" pic.twitter.com/9V0zums9jc