Barnavöruverslunin Petit hagnaðist um 7,5 milljónir króna á síðasta ári og dróst hagnaðurinn lítillega saman frá fyrra ári er hann nam 9 milljónum. Velta verslunarinnar nam 258 milljónum króna og jókst um 50% frá fyrra ári.

Eignir verslunarinnar námu 51 milljón króna í árslok 2019 og eigið fé nam 22 milljónum króna. Verslunin er að helmingshluta í eigu Linnea Ahle en unnusti hennar, knattspyrnumaðurinn Gunnar Þór Gunnarsson, á hinn helminginn í versluninni.