*

laugardagur, 16. nóvember 2019
Innlent 3. október 2019 10:42

51% styðja ríkisstjórnina

Fylgi stjórnmálaflokka breyttist lítið milli mánaða. Rétt rúmlega helmingur svarenda styður ríkisstjórnina.

Ritstjórn
Sjálfstæðisflokkurinn, sem fjármálaráðherrann Bjarni Benediktsson gegnir formennsku hjá, mælist með 24% fylgi.
Haraldur Guðjónsson

Samkvæmt nýjum Þjóðarpúls Gallup breytist fylgi stjórnmálaflokka lítið milli mánaða, eða um 0,2-1,9 prósentustig. Tæplega 24% þeirra sem taka afstöðu segjast myndu kjósa Sjálfstæðisflokkinn færu kosningar til Alþingis fram í dag. Liðlega 16% segjast myndu kjósa Samfylkinguna, ríflega 12% Miðflokkinn, 12% Vinstri græn, rúmlega 11% Viðreisn, nær 10% Pírata, næstum 8% Framsóknarflokkinn, rösklega 4% Flokk fólksins og næstum 3% Sósíalistaflokk Íslands.

Nær 12% segjast myndu skila auðu eða ekki kjósa og næstum 11% taka ekki afstöðu eða neita að gefa hana upp. Tæplega 51% þeirra sem taka afstöðu segist styðja ríkisstjórnina.