Nýjasta kvikmyndin í Stjörnustríðssögunni hefur slegið öll sölumet, hvort sem er í Bandaríkjunum eða á heimsvísu.
‘Star Wars: The Force Awakens’ seldi aðgöngumiða í Bandaríkjunum fyrir 238 milljónir bandaríkjadala, eða 30 milljarða íslenskra króna, á fyrstu helgi sýninga.
Utan Bandaríkjanna hefur hún svo halað inn 280 milljónum bandaríkjadala, eða aukalegum 36 milljörðum króna.
Samtals nema sölur á bíómyndina því einhverjum 66 milljörðum króna á fyrstu helgi sýninga.
Í viðtali við Wall Street Journal segir Rober Iger, framkvæmdastjóri Disney - sem keypti vörumerkið af Lucasfilm fyrir 4 milljarða bandaríkjadala árið 2012 - að myndin eigi að hala inn samtals þessum 4 milljörðum á ný.
Kvikmyndin sé ekki aðeins framhald sögunnar, og gerð í þágu gamalla aðdáenda Stjörnustríðsmyndanna, heldur sé hún einnig hugsuð til þess að fá nýja aðdáendur inn í vörumerkið og hugarheim George Lucas.
