Hagnaður bílaumboðsins Heklu nam á árinu 2011 tæpum 1,2 milljörðum króna, samanborið við 5,1 milljarð króna árið áður. Bæði árin kemur hagnaður til vegna mikilla af skrifta. Rekstrartap Heklu árið 2011 var 55 milljónir króna, samanborið við tap upp á 419 milljónir króna árið áður. Eftirgjöf og leiðrétting lána á árinu 2010 nam tæpum 6,5 milljörðum króna og rúmum 1,3 milljörðum króna árið 2011.
Félagið hefur því fengið afskrifað um 7,8 milljarða króna. Eigið fé félagsins í árslok 2011 nam 223 milljónum króna en var neikvætt um tæpar 970 milljónir króna árið 2010. Skuldir félagsins í árslok 2011 námu um 1,65 milljörðum króna eftir afskriftir. Þá kemur fram í ársreikningi félagsins að laun til fyrri stjórnenda hafi numið 52,5 milljónum króna á árinu 2011.