*

mánudagur, 18. janúar 2021
Innlent 27. nóvember 2020 13:50

8 sagt upp hjá Reiknistofu bankanna

Uppsagnirnar áttu sér stað snemma í þessum mánuði og tengdust fækkun sviða til hagræðingar.

Ritstjórn
Ragnhildur Geirsdóttir tók við stöðu forstjóra hjá Reiknistofu bankanna í janúar í fyrra.
Gígja Einarsdóttir

Reiknistofa bankanna sagði upp 8 starfsmönnum fyrir tæpum þremur vikum vegna skipulagsbreytinga. Starfsmennirnir sem um ræðir voru þvert á deildir, en breytingarnar fólust í fækkun sviða.

„Þetta var hagræðing sem náði víða innan fyrirtækisins,“ segir Ragnhildur Geirsdóttir, forstjóri Reiknistofunnar. Hún segir aðgerðirnar ekki tengjast efnahagsástandinu sem slíkar, kórónukreppan hafi ekki haft teljandi áhrif á rekstur fyrirtækisins.

„Okkar umhverfi er samt náttúrulega að breytast heilmikið,“ segir hún. Reiknistofan vinni mest fyrir bankana, og endurspegli því rekstur þeirra að vissu leyti. Eftir uppsagnirnar vinna 160 manns hjá fyrirtækinu, en sem fyrr segir var störfum fækkað á öllum sviðum, og meðal þeirra voru stjórnendur.