Samtök fjármálafyrirtækja (SFF) hafa að beiðni félags- og tryggingamálanefndar Alþingis tekið saman upplýsingar um skuldir almennings miðað við 1. október 2010. Upplýsingarnar voru kynntar í morgun.
Í niðurstöðum kemur fram að 88% lána einstaklinga í bankakerfinu voru í skilum þann 1. október síðastliðinn. Af þeim hefur umtalsverður fjöldi skuldara nýtt sér þau úrræði sem í boði eru, segir í fréttatilkynningu SFF.
Samandregnar niðurstöður samtakanna eru:
Almennar lausnir - íbúðalán:
-
51% skuldara eða 46.395 lántakendur verðtryggðra íbúðalána hafa nýtt sér greiðslujöfnun.
-
949 lántakendur eru nú að nýta sér frystingarúrræði. Fjölmargir hafa nýtt það úrræði tímabundið.
- 2.522 lánþegar hafa nýtt sér greiðslujöfnun á erlendum lánum.
-
1.529 hafa fengið lækkun höfuðstóls á erlendum húsnæðislánum.
-
1.300 hafa fengið lækkun höfuðstóls á verðtryggðum húsnæðislánum.
Sértækar lausnir - íbúðalán
-
Um 450 manns hafa leitað eftir sértækri skuldaaðlögun. Þann 1. október voru 345 mál í vinnslu hjá aðildarfélögum SFF.
Bílalán
- 50.697 einstaklingar eða hjón eru með bílalán.
- 32.935 lántakendur eru með myntkörfulán og eiga von á endurútreikningi.
- Á bilinu 60 – 75% lántakenda fá greiðsluseðila um næstu mánaðamót miðað við endurútreikning.
- 4.802 hafa nú þegar nýtt sér höfuðstólslækkun.
- 7.412 hafa nýtt sér greiðslujöfnun.
- 3.667 hafa fengið lækkun greiðslna ásamt lengingu lánstíma.