Úrvalsvísitalan hefur lækkað um 1,31% og er 5.493,39 stig við hádegi, samkvæmt upplýsingum frá Kauphöllinni. Ekkert félag hefur hækkað.
Landsbankinn hefur lækkað um 3,3%, Mosaic Fashions hefur lækkað um 2,47% en félagið birti við lok markaðar í gær uppgjör sem var undir væntingum greiningaraðila, Avion Group hefur lækkað um 2,33%, Straumur-Burðarás hefur lækkað um 1,60% og Össur hefur lækkað um 1,39%.
Gengi krónu hefur veikst um 0,48% og er 131,76 stig við hádegi, samkvæmt upplýsingum frá Kaupþingi banka.
