Úrvalsvísitalan hefur lækkað um 0,03% og er 6.369 stig við hádegi, samkvæmt upplýsingum frá Markaðvakt Mentis. Veltan nemur 2.010 milljónum króna.
Avion Group hefur hækkað um 4,67% en félagið tilkynnti í morgun að það hafi selt Charter & Leisure rekstrarsvið sitt og 51% í Avion Aircraft Trading. Innleystur söluhagnaður fyrir skatta nemur 107 milljón dollara fyrir Charter & Leisure og 47 milljón dollara fyrir Avion Aircraft Trading. Össur hefur hækkað um 1,22%, Alfesca hefur hækkað um 0,8%, Mosaic Fashions hefur hækkað um 0,6% og Actavis Group hefur hækkað um 0,46%.
Flaga Group hefur lækkað um 1,29%, Straumur-Burðarás hefur lækkað um 1,21%, Bakkavör Group hefur lækkað um 1,15% og HB Grandi hefur lækkað um 0,84% á iSEC markaðnum.
Gengi krónu hefur styrkst um 0,90% og er 120 stig við hádegi en gengið veiktist um 2% á föstudaginn er það fór á kreik orðrómur um að Ekstra Bladet myndi birta neikvæða umfjöllun um íslensku útrásina. ?Blaðagreinin danska reyndist hins vegar hvorki fugl né fiskur og gengi krónunnar hefur hækkað talsvert í dag sem gefur jafnframt til kynna að söluhliðin á gjaldeyrismarkaði sé áfram sterk,"segir greiningardeild Glitnis.
