Úrvalsvísitalan hefur hækkað um 2,97% og er 6.660,04 stig.
Eftir töluverðar lækkanir síðustu tvo daga, í kjölfarið á birtingu lánshæfismats Fitch, hafa engin bréf lækkað það sem af er degi.
Avion Group leiðir hækkunina með 3,99% gengishækkun frá því í gær. FL Group kemur svo á eftir með 3,54% hækkun og Kaupþing banki hefur hækkað um 3,45%.
Straumur-Burðarás fjárfestingarbanki hefur hækkað um 3,09% og Landsbankinn um 2,82%.
