Úrvalsvísitalan hefur lækkað um 0,7% og er 4.481 stig við hádegi. Gengi krónu hefur veikst um 0,4% og er 168,8 stig, samkvæmt upplýsingum frá Markaðsvakt Mentis.

Velta á hlutabréfamarkaði nemur 1,1 milljarði króna. Þar af eru stök viðskipti með bréf Glitnis fyrir 486 milljónir króna og 161 milljón króna. Velta á skuldabréfamarkaði nemur 19 milljörðum króna.

Icelandair Group er eina félagið sem er grænt. En einungis ein viðskipti fyrir um tíu milljónir liggja þar að baki.

Helstu  vísitölur í Evrópu eru rauðar. Norska vísitalan OBX stendur í stað.Danska vísitalan OMXC hefur lækkað um 1% og sænska vísitalan OMXS hefur lækkað um 2,1%, samkvæmt upplýsingum frá Euroland.