Samkvæmt könnunum á reiðufjárnotkun heimila í Evruríkjunum og á Norðurlöndunum nota hvergi færri reiðufé í staðgreiðsluviðskiptum en á Íslandi. Þetta kemur fram í fjármálastöðugleikaskýrslu Seðlabankans.
Samkvæmt skýrslunni notar yfir helmingur heimilanna ekki reiðufé. Tæpur helmingur þeirra notar reiðufé ekki við kaup á vörum og þjónustu heldur til að gefa eða greiða öðrum. Í 90% tilvika nota heimilin rafrænar greiðslulausnir og um þriðjungur þeirra notar greiðsluöpp sem byggð eru ofan á greiðslukort. Í 10% tilvika er reiðufé notað.
Tæplega helmingur heimilanna sögðu að faraldurinn hefði breytt greiðsluhegðun þeirra. Snertilausar greiðslur, með snjallúrum og snjallsímum, hafa aukist og þá hefur netverslun sömuleiðis aukist.
Reiðufjárnotkun eftir löndum úr fjármálastöðugleikaskýrslu Seðlabankans.