Samtök sveitarfélaga á höfuðborgarsvæðinu, auk sveitarfélaganna sjálfra, stefna að því að gera samstarfssamning við Fluglestina Þróunarfélag ehf. um undirbúningu að byggingu hraðlestar til Keflavíkurflugvallar. Þetta kemur fram í Fréttablaðinu í dag.
Áætlaður heildarkostnaður við verkefnið er talið vera 105 milljarðar króna. Að baki Fluglestinni standa Fasteignafélagið Reitir, Landsbankinn, Ístak, Kadeco og Efla en að sögn eru þessir aðilar þegar búnir að leggja 150 milljónir í verkefnið.
Samningurinn sem sveitarfélögin stefna að því að gera snýr að skipulagsmálum vegna hraðlestarinnar. Sveitarfélögin gefa þá vilyrði fyrir því að skilgreina nauðsynlegar lóði í deiliskipulagi og úthluta þeim og/eða byggingarrétti vegna framkvæmda. Auk þess munu þau tryggja nauðsynlegt samstarf við framkvæmd og gerð mats á umhverfisáhrifum vegna framkvæmdarinnar.
Gert er ráð fyrir því að lestin muni ferðast á 250 kílómetra hraða á klukkustund og að ferðatími milli Reykjavíkur og Leifsstöðvar verði 15-18 mínútur.
Að sögn talsmanns Fluglestarinnar þá er áætlað tvö ár í frekari rannsóknar- og skipulagsvinnu og mat á umhverfisáhrifum. Síðan eitt ár í forhönnun og gerð úboðsgagna. Ef allt gengur eftir þá geta framkvæmdir hafist eftir þrjú ár.