Bandaríska lyfjafyrirtækið AbbVie Inc. hefur fest kaup á breska lyfjafyrirtækinu Shire Plc fyrir 32 milljarða punda, eða sem nemur 6000 milljörðum íslenskra króna, þetta eru stærstu kaup bandarísks fyrirtæki til að lækka skatta.
AbbVie er nýjasta bandaríska fyrirtækið í heilbrigðisgeiranum sem flytur höfuðstöðvar sínar erlendis. Höfuðstöðvar fyrirtækisins munu nú vera í Bretlandi en starfsemi mun halda áfram í Chicago í Illinois fylki. Skattarnir sem fyrirtækið stendur frammi fyrir í Bandaríkjunum nema 22 prósentum en í Bretlandi nema skattarnir einungis 13 prósentum.
Það er einnig hagur í sameiningunni fyrir AbbVie sem framleiðir gigtarlyfið Humira því það mun nú einnig framleiða ADHD lyf Shire.
