Góð stemning var á aðalfundi Félags kvenna í atvinnulífsins í gær þar sem m.a. var kjörinn nýr formaður.
Ljósmynd: Haraldur Guðjónsson
Deila
Fjölmenni var á aðalfundi Félags kvenna í atvinnulífinu, FKA, sem haldinn var í Iðnó í gær. Á fundinum var Þórdís Lóa Þórhallsdóttir, fjárfestir og framkvæmdastjóri Pizza Hut á Íslandi, kjörin formaður FKA.
Þá voru þær Bryndís Emilsdóttir, Iðunn Jónsdóttir og Rúna Magnúsdóttir kjörnar í stjórn félagsins, en þær Bryndís og Rúna hafa áður verið í stjórn FKA.
Í stjórn FKA sitja sjö konur að meðtöldum formanni. Á hverju ári eru þrír stjórnarmenn kjörnir til tveggja ára í senn og formaður er kjörinn annað hvert ár.