Seðlabanki Bandaríkjanna mun framlengja neyðarfjármögnun sína um þrjá mánuði og mun henni því ljúka í lok árs. Framlengingin kemur í kjölfar aukinnar svartsýni vegna heimsfaraldursins.
Aðstoðin var meðal annars sett á til að aðstoða meðalstór fyrirtæki og styðja við skammtímafjármögnun fyrirtækja. Framlenging þessi á því að draga úr óvissu félaga enda hafa þau greiðari aðgang að fjármagni. Financial Times greinir frá.
Því er spáð að efnahagsreikningur Seðlabankans muni nema 8,5 billjónum dollara í lok árs samanborið við ríflega 4 billjónir í upphafi árs. Í maímánuði var gert ráð fyrir því að hann myndi nema 9,5 billjónum í lok árs.
