*

fimmtudagur, 2. desember 2021
Innlent 27. október 2014 19:38

Ætla að bjóða ótakmarkað geymslupláss

Microsoft skýtur Google og Dropbox ref fyrir rass með því að bjóða áskrifendum Office 365 ótakmarkað geymslupláss.

Ritstjórn
european pressphoto agency

Notendum Office 365 skýjaþjónustu Microsoft verður brátt boðið ótakmarkað geymslupláss á OneDrive. Þetta má sjá á heimasíðu Microsoft þar sem notendur geta skráð sig til að fá forskot á sæluna.

Til samanburðar hafa notendur Google Drive 30 GB hámark á geymsluplássi og Dropbox 32 GB handa gjaldfrjálsum notendum. Hafa ber í huga að notendur Office 365 greiða áskrift að þeirri þjónustu svo ótakmarkað geymslupláss verður þeim ekki fyllilega að kostnaðarlausu.

Líklegt er að samkeppnisaðilar muni svara þessu útspili Microsoft á næstu dögum.

Stikkorð: Microsoft Office 365 Onedrive