Lágjaldaflugfélagið Ryanair hefur neyðst til að fella niður 30 flug úr áætlun félagsins í dag vegna verkfalls flugmanna félagsins. Þessi aflýstu flug eru öll milli Írlands og Bretlands. Flugmenn félagsins eru ósáttir við vinnuumhverfi sitt og hafa því ákveðið að fara í verkfall. Þetta kemur fram á vef BBC .

Flugmenn eru ekki eina stéttin hjá Ryanair sem hafa gripið til verkfallsaðgerða, en eins og Viðskiptablaðið hefur greint frá þá er hluti flugliða félagsins einnig á leið í verkfall síðar í þessum mánuði.