Það er slæmt fyrir sveitarstjórnir landsins ef lánadrottnar þeirra þurfa að afskrifa skuldir sveitarfélaganna. Slikt bitnar á lánakjörum þeirra, segir Halldór Halldórsson, formaður Sambands íslenskra sveitarfélaga í viðtali við Viðskiptablaðið.
Sveitarfélög landsins hafa legið undir ámæli fyrir fjárfest ingar á árunum fyrir hrun. Staða margra þeirra er slæm sem meðal annars má rekja til umdeildra fjárfestinga. Hvernig horfir þessi vandi við þér og í hverju felst lausnin?
„Það má segja að vandamál okkar sé einmitt það að einstök sveitarfélög eru illa stödd. Við höfum bent á stöðuna í samanburði við ríkissjóð. Í þeim samanburði er heildar staða sveitarfélaga ekki síðri en hjá ríkissjóði.“ Halldór nefnir sem dæmi stöðu Bolungarvíkur sem fór undir eftirlitsnefnd um fjármál sveitarfélaga um tíma en hefur unnið sig út úr því.
„Staða Álftaness var að sama skapi mjög slæm en nú er að vinnast úr henni. Í því tilfelli koma til skuldaleiðréttingar og annað slíkt. Þetta eru sveitarfélög þar sem fjárfestingar hafa verið mjög miklar og fjárfest var út á væntanlegar fram tíðartekjur. Gangi það upp munu sveitarfélögin ná vopnum sínum. En til þess að svo verði þurfa þessi sveitarfélög ákveðna þolinmæði hvað varðar endurfjármögnun,“ segir Halldór.
Hann bendir á að þegar kemur að stærri sveitarfélögum þá sé afar erfitt að gera ráð fyrir ein hvers konar skuldaniðurfellingum. „Það er ekki gott fyrir sveitarstjórnir ef það þarf að ráðast í afskriftir skulda. Slíkt bitnar á okkar lánakjörum. Við erum hið opinbera og eigum að vera stöðug. Það á að vera hægt að treysta sveitarstjórnum til þess að standa við það sem þær lofa. Það er mikilvægt.“
Í nýjasta tölublaði Viðskiptablaðsis er að finna ítarlegt viðtal við Halldór. Áskrifendur geta nálgast blaðið hér að ofan undir liðnum Tölublöð.
