Skuldatryggingarálag á skuldir ríkissjóðs Íslands hefur haldist stöðugt allan júlí mánuð. Í dag stendur það í 247.
Álagið á Ítalíu hefur sveiflast nokkuð í mánuðnum. Það hefur fylgt hækkunum á álagi á skuldabréfum ríkissjóðs landsins og stendur nú í 288. Er hækkunin í takt við auknar áhyggur af skuldakrísunni í verst settu evrulöndunum.
Sömu sögu er að segja af álaginu á Spán. Það hefur ekki farið niður fyrir Ísland síðan í júní og stendur nú í 337.
Á myndinni má sjá miklar sveiflur á álaginu á Grikkland. Það lækkaði mikið þegar lausn var í sjónmáli á fjármögnun landsins en hækkar nú að nýju.