Fundur þingmanna Sjálfstæðisflokks hófst í Valhöll skömmu eftir klukkan 10 í morgun. Flugvél Bjarna Benediktssonar tafðist og mun hann því ekki mæta til þingfundar sem haldinn verður klukkan 15 í dag, en óundirbúinn fyrirspurnartími er á dagskrá þingsins . Bjarni var þó á fundinum í gegnum fjarfundarbúnað.
Þingflokkur Framsóknarflokksins hóf einnig fundarhöld í húsakynnum Alþingis klukkan 10 en fundurinn stendur ennþá yfir.
Þingflokkar Bjartar Framtíðar, Samfylkingarinnar, Vinstri Grænna og Pírata funduðu í morgun og er þeim fundum lokið.
