Ingvar Kamprad stofnandi og aðaleigandi IKEA verslunarkeðjunnar ætlar að greiða öllum starfsmönnum IKEA í heiminum bónus í samræmi við árangur keðjunnar á síðasta ári. Á það einnig við um starfsmenn IKEA á Íslandi.
Í viðtali við sænska blaðið Expressen segir Kamprad að allir starfsmennirnir eigi að fá jafnstóran bónus, en upphæðin liggur ekki fyrir ennþá. Þó er rætt um 8.000 sænskar krónur, eða um 150.000 krónur íslenskar.
