Allt er á fullu í strandbænum Cannes í Frakklandi í dag en verið er að leggja lokahönd á kvikmyndahátíðina sem haldin hefur verið þar ár hvert í 66 síðastliðin ár. Hátíðin hefst á miðvikudag.

Opnunarmynd hátíðarinnar í ár er Grace of Monaco í leikstjórn Olivier Dahan. Nicole Kidman leikur í myndinni Grace Kelly. Á meðal leikstjóra sem eru með myndir á hátíðinni eru Mike Leigh, Ken Loach og Michel Hazanavicius, leikstjóri myndarinnar The Artist, sem sló í gegn árið 2011.

Á myndinni sem hér sést er skot af ítalska leikaranum Marcello Mastroianni úr myndinni 8 1/2 frá árinu 1963 í leikstjórn Federico Fellini.

Kvikmyndahátíðinni lýkur 24. maí næstkomandi.