Skiptum á þrotabúi verktakafyrirtækisins Leirholts ehf. lauk á dögunum, en það var tekið til gjaldþrotaskipta í apríl á þessu ári. Í tilkynningu í Lögbirtingablaðinu segir að engar eignir hafi fundist í búinu og því hafi skiptum lokið án þess að greiðsla fengist upp í lýstar kröfur, sem námu alls 52,9 milljónum króna.

Saga félagsins er áhugaverð, en það er stofnað árið 1998 sem hárgreiðslustofan Ozone hárstúdíó á Selfossi. Einhvern tíma á tímabilinu 2003 til 2008 breyttist nafn félagsins í Gildurás ehf. og síð- ar í Leirholt ehf. Samkvæmt sam- þykktum félagsins frá árinu 2010 hefur tilgangi þess verið breytt og rekstur hársnyrtistofunnar er horfinn þar úr.

Íslandsbanki var aðalkröfuhafi félagsins og átti veð í eignunum, að sögn Ásbjörns Jónssonar skiptastjóra. Hann segir að þessi nauðungarsala hafi farið fram löngu áður en félagið var tekið til gjaldþrotaskipta og skýrir það af hverju engar eignir voru í búinu þegar að skiptum kom í vor.

Nánar er fjallað um málið í Viðskiptablaðinu. Áskrifendur geta nálgast blaðið undir liðnum Tölublöð hér að ofan.