© Aðsend mynd (AÐSEND)
Málið varðar kröfur, sem lýst var of seint í bú bankans vegna mistaka lögmannsstofu. Taldi Stapi að krafan ætti að halda gildi sínu þar sem Straumur-Burðarás fór ekki í gjaldþrot, heldur náði nauðasamningum við kröfuhafa. Niðurstaða Héraðsdóms var sú sama.
Úr dómi
Í dómnum kemur fram að ekki er unnt að líta svo á að um nauðsamning stefnda gildi aðrar reglur en um nauðasamninga sem gerðir eru samkvæmt gjaldþrotalaga. "Nauðasamningur sem gerður er eftir að félag hefur verið tekið til gjaldþrotaskipta leiðir til þess að fjárhæð krafna og skilmálar breytast eftir því sem samningurinn mælir fyrir um. Gjaldþrotaskiptunum er hætt og stjórn félagsins tekur aftur við forræði á hagsmunum þess og skuldbindingum. Kröfuhafi sem komst ekki að við skiptin vegna þess að hann lýsti ekki kröfu sinni, getur krafist greiðslu kröfu sinnar, en verður að sæta lækkun hennar í samræmi við skilmála nauðasamningsins," segir í dómnum.
Þá kemur fram að sá stefndi, ALMC, skuli greiða stefnanda málskostnað, að fjárhæð 1.600.000 krónur.
