Hlutabréf á asíumörkuðum lækkuðu almennt á mörkuðum í nótt, nema helst í Japan þar sem veiking japanska jensins gagnvart Bandaríkjadal ýtti hlutabréfaverðum upp.
Væntingar um hærri stýrivexti
Bandaríkjadalur hefur styrkts vegna væntinga um að bandaríski seðlabankinn hyggist hækka stýrivexti, á tímabili nam styrkingin 1,1%, en nú er einn dalur að andvirði 103,2640 jena, og heildarstyrkingin því 0,28%.
WSJ Dollar vísitalan, sem mælir styrk dalsins gagnvart 16 öðrum gjaldmiðlum, hefur ekki verið hærra í mánuð.
Japönsk útflutningsfyrirtæki hækka
Hafði þetta áhrif til þess að hækka hlutabréf í japönskum útflutningsfyrirtækjum sem græða á veikara jeni, hlutabréf í Toyota hækkuðu á tíma um 2,1%, og bréf í Nissan Motor Co. hækkuðu um 1,20%.
Myndavélaframleiðandinn Canon Inc sá virði hlutabréfa sinna hækka um 1,98%.
Þetta kemur þó á sama tíma og nýjustu tölur sýna að iðnaðarframleiðslan í landinu breyttist ekki í júlí, sem var undir væntingum hagfræðinga sem bjuggust við 0,8% framleiðsluaukningu, í kjölfar 2,3% framleiðsluaukningu í júní.
Hreyfing helstu vísitalna á svæðinu í nótt:
- Nikkei vísitalan í Japan hækkaði um 0,97%
- Kospi vísitalan í Suður Kóreu lækkaði um 0,25%
- Taiwan Weighted vísitalan lækkaði um 0,46%
- Hang Seng vísitalan í Hong Kong lækkaði um 0,08%
- Dow Jones vísitalan í Shanghai hækkaði um 0,31%
- FTSE China A50 vísitalan um 0,40%
- S&P/ASX 200 vísitalan í Ástralíu lækkaði um 0,83%
- Dow Jones New Zealand vísitalan hækkaði um 0,18%
