Alþingi Íslendinga hefur samþykkt lög sem innleiða þrjár reglugerðir Evrópusambandsins sem lúta að markaðssetningu á timbri og timburvöru.
Sagt valda skógareyðingu og losi koltvísýring
Lögin eiga að hindra markaðssetningu á ólöglega höggnum við og vörum úr slíkum viði. Segir í fréttatilkynningu frá umhverfisráðuneytinu um innleiðinga að ólöglegt skógarhögg sé útbreitt vandamál.
Það valdi skógareyðingu og hnignun skóga sem orsaki um 20% af losun koltvísýrings í heiminum, ógnar líffræðilegri fjölbreytni, grafi undir sjálfbærri skógarstjórnun og þróun, eykur jarðvegseyðingu og getur ýtt undir hamfarir og flóð.
Í fréttatilkynningunni segir jafnframt að markmið laganna sé að vinna gegn ólöglegu skógarhöggi, að stuðla að sjálfbærri skógarstjórnun og loks að reyna að draga úr loftslagsbreytingum á kostnaðarhagkvæman hátt.
