Einar K. Guðfinnsson, forseti Alþingis, telur að Alþingi þurfi með formlegum hætti að samþykkja að hætta aðildarviðræðum við Evrópusambandið. Fram kemur á vef RÚV að forsætisnefnd Alþingis hafi fundað um yfirlýsingu Gunnars Braga Sveinssonar utanríkisráðherra um málið í gær en hann telur að ríkisstjórnin sé ekki bundin af samþykktum Alþingis.
RÚV hefur m.a. eftir Einari að almennt falli þingsályktanir ekki niður eftir kosningar með nýju þingi. Annað geti átt við um ályktanir sem fari gegn vilja nýs meirihluta.
