Lyfjafyrirtækið Alvogen vann til tvennra verðlauna á alþjóðlegri lyfjaráðstefnu í París í síðustu viku, en alþjóðlega fagtímaritið Generic Bulletin stóð fyrir verðlaununum.
Alvogen var tilnefnt til sjö verðlauna af ellefu sem í boði voru og hlaut verðlaun í flokkunum „Fyrirtæki ársins í Bandaríkjunum“ og „Viðskiptaþróunarverkefni ársins í Evrópu“ fyrir markaðssetningu líftæknilyfsins Inflectra.
Alvogen starfar um þessar mundir í 35 löndum og hjá fyrirtækinu vinna 2.300 manns.
