Kristinn Björnsson fyrrverandi forstjóri lést laugardaginn 31. október sl., 65 ára að aldri.
Kristinn fæddist í Reykjavík 17. apríl 1950. Foreldrar hans voru Björn Hallgrímsson og Emilía Sjöfn Kristinsdóttir.
Kristinn varð stúdent frá Menntaskólanum í Reykjavík árið 1970. Hann lauk lögfræðiprófi frá Háskóla Íslands 1975 og varð héraðsdómslögmaður árið 1977. Hann starfaði sem lögfræðingur hjá borgarverkfræðingi frá 1975-1976 og rak lögmannsstofu ásamt Gesti Jónssyni og síðar Hallgrími B. Geirssyni frá 1976-1982.
Kristinn varð forstjóri Nóa-Síríusar árið 1982 og gegndi starfinu til 1990 þegar hann var ráðinn forstjóri Skeljungs. Kristinn lét af störfum hjá Skeljungi að eigin ósk haustið 2003. Frá árinu 2005 var hann einn eigenda fyrirtækisins Líflands ehf. og starfandi stjórnarformaður þess. Að auki sat Kristinn fjölmörgum í stjórnum fyrirtækja.
Kristinn gegndi fjölmörgum trúnaðarstörfum fyrir atvinnurekendur og samtök þeirra og var virkur í starfi Sjálfstæðisflokksins á sínum yngri árum.
Eftirlifandi eiginkona Kristins er Sólveig Pétursdóttir fyrrverandi þingmaður Sjálfstæðisflokksins og ráðherra. dómsmálaráðherra og forseti Alþingis. Þau eignuðust þrjú börn.
