*

fimmtudagur, 5. desember 2019
Fólk 28. mars 2019 10:12

Andri frá VÍS til að aðstoða rektor HÍ

Andri Ólafsson, samskiptastjóri VÍS, ráðinn aðstoðarmaður og upplýsingafulltrúi rektors.

Ritstjórn
Aðsend mynd

Andri Ólafsson hefur verið ráðinn aðstoðarmaður og upplýsingafulltrúi rektors Háskóla Íslands og mun hefja þar störf 1. apríl.

Andri mun sinna margvíslegum verkefnum fyrir rektor, meðal annars halda utan um tengsl við fjölmiðla og ýmsa hagsmunaaðila segir í fréttatilkynningu.

Hann mun jafnframt vinna náið með stjórnendum Háskólans að mótun samskipta innan skólans og utan. Andri kemur til Háskóla Íslands frá VÍS, þar sem hann gegndi starfi samskiptastjóra.

Andri er með MBA gráðu frá Háskóla Íslands og hefur áralanga reynslu af störfum við fjölmiðla, meðal annars sem aðstoðarritstjóri 365 miðla, ritstjóri Íslands í dag og fréttastjóri Fréttablaðsins.