Andri Þór Guðmundsson, forstjóri Ölgerðarinnar, og Októ Einarsson, sem keyptur Ölgerðina skömmu fyrir hrun eru handhafar Viðskiptaverðlauna Viðskiptablaðsins árið 2013. Tilkynnt var um útnefninguna við hátíðlega athöfn á Hótel Sögu í hádeginu í dag.

Í tímariti Viðskiptablaðsins, Áramótum, sem kom út í dag í tilefni útnefningarinnar, segir að þeir Andri og Októ hafi stýrt fyrirtækinu í gegnum fjárhagslega endurskipulagningu við gríðarlega erfiðar aðstæður og tekist á sama tíma að auka markaðshlutdeild fyrirtækisins á miklum samkeppnismarkaði.

Nánar er fjallað um málið í Áramótum.