Anna Margrét Guðjónsdóttir ráðgjafi og varaþingmaður Samfylkingarinnar var útnefnd ,,Evrópumaður ársins“ fyrir árið 2010 á aðalfundi Evrópusamtakanna sem haldinn var á föstudaginn í síðustu viku. „Anna Margrét hlaut tilnefninguna vegna ötuls starf að Evrópumálum undanfarin misseri," segir í tilkynningu.
Andrés Pétursson fjármála- og skrifstofustjóri var endurkjörinn formaður samtakanna.
Aðrir stjórnarmenn í Evrópusamtökunum eru:
- Einar Kárason rithöfundur
- Gunnar Hólmsteinn Ársælsson framhaldsskólakennari
- Sigrún Gísladóttir, fyrrum skólastjóri og bæjarfulltrúi Sjálfstæðisflokksins í Garðabæ
- Eva Einarsdóttir borgarfulltrúi Besta flokksins
- G. Pétur Matthíasson upplýsingafulltrúi
Varamenn:
- Pétur Snæbjörnsson framkvæmdastjóri
- Guðmundur Hallgrímsson lyfjafræðingur
- Sema Erla Serdar stjórnmálafræðingur og M.Sc.nemi
