Apple hefur stefnt Motorola farsímaframleiðanda vegna brota á einkaleyfislögum. Kæran kemur mánuði eftir að Motorola stefndi Apple vegna samskonar brota á lögum.
Í stefnunni segir Apple að félagið hafi einkaleyfi á ákveðnum þáttum snertiskjáa og notendaviðmóti og telur félagið að margar tegundir Motorola síma virði ekki einkaleyfið.Málið var tekið fyrir síðastliðinn föstudag.
Hlutdeild fyrirtækjanna á farsímamarkaði hefur breyst mikið á síðustu árum. Þannig var Motorola annar stærsti símaframleiðandi heims árið 2006 en er nú sá sjöundi stærsti. Á meðan hafa iPhone símar Apple selst í bílförmum og seldust til að mynda 14,1 milljón eintök á tímabilinu júní til september 2010.
