Arion banki hefur lokið við sölu á Pennanum. Þetta kemur fram í tilkynningu frá bankanum. Söluaðili er Eignabjarg ehf., dótturfélag Arion banka hf., og kaupandi er fjárfestahópur undir forystu Ingimars Jónssonar, Ólafs Stefáns Sveinssonar og Stefáns D. Franklín.

í tilkynningu frá bankanum kemur fram að fyrrgreindir aðilar hafi átt hagstæðasta tilboðið í Pennann. Fyrirtækið var auglýst til sölu þann 5. janúar síðastliðinn. Ferlinu er nú lokið með undirritun kaupsamnings en samningurinn er gerður með fyrirvara um samþykki Samkeppniseftirlitsins.

Kaupverð er ekki gefið upp í tilkynningunni frá bankanum.