Arion Banki boðaði fyrr í dag til hluthafafundar sem haldinn verður í höfuðstöðvum bankans þann 9. ágúst næstkomandi. Á fundinum verða kosnir tveir nýir stjórnarmenn sem munu starfa fram að næsta aðalfundi bankans. Þeir sem hyggjast gefa ksot á sér hafa frest til að tilkynna um framboð fyrir kl 16:00 þann 4. ágúst næstkomandi.
Þá verður einnig kosinn einn nýr nefndarmaður í tilnefningarnefnd bankans sem mun starfa fram að næsta aðalfundi. Fresturinn til framboðs er sá sami og í tilfelli stjórnarmanna.
