Arion banki lauk í dag útboði á tveimur nýjum víkjandi skuldabréfaflokkum, að því er fram kemur í tilkynningu frá bankanum til Kauphallar Íslands. Heildareftirspurn í útboðinu var 4,8 milljarða króna og samtals bárust 21 tilboð.
Í óverðtryggða flokkinn bárust 7 tilboð að nafnvirði samtals 1.380 milljón króna, á ávöxtunarkröfu á bilinu 6,90% - 7,20%. Tilboðum að nafnvirði 880 m.kr. á kröfunni 6,90% voru samþykkt.
Í verðtryggða flokkinn bárust 14 tilboð að nafnvirði samtals 3.420 milljón króna á ávöxtunarkröfu á bilinu 3,80% - 4,09%. Tilboðum að nafnvirði 3.020 m.kr. á kröfunni 4,00% voru samþykkt.
Um er að ræða víkjandi skuldabréf sem teljast til eiginfjárþáttar 2. Báðir flokkarnir eru vaxtagreiðslubréf með vaxtagreiðslum tvisvar á ári, með lokagjalddaga í janúar 2030 og eru uppgreiðanlegir frá og með janúar 2025. Stefnt er að skráningu bréfanna á Nasdaq Iceland.
