*

föstudagur, 19. júlí 2019
Innlent 3. ágúst 2017 09:28

Arion: Marel undirverðlagt

Greiningardeild Arion banka metur gengi bréfa Marel á 401 krónu á hlut sem er tæplega átta prósentum hærra en gengið stóð í þegar markaðir lokuðu í gær.

Ritstjórn
Árni Oddur Þórðarson, forstjóri Marels.
Haraldur Guðjónsson

Greiningardeild Arion banka metur gengi bréfa Marel á 401 krónu á hlut sem er tæplega átta prósentum hærra en gengið stóð í þegar markaðir lokuðu í gær. Fréttablaðið fjallar um verðmatið. Verðmat deildarinnar er óbreytt í evrum talið frá síðasta verðmati í maí, aftur á móti hefur það hækkað um átta prósentustig í krónum talið vegna gengisveikningar krónunnar síðustu tvo mánuði.

Verðmatið var birt í kjölfar þess að Marel birti uppgjör sitt fyrir annan fjórðung ársins. Greiningaraðilar benda á að sala Marels á ársfjórðungnum hafi verið undir væntingum og áætlunum stjórnenda, þó að pöntunum félagsins hafi fjölgað um 18 prósentustig á milli ára hafi pantanir á öðrum fjórðungi verið um sjö prósentustigum færri en á fyrsta ársfjórðungi.

Aftur á móti er bent á að pöntunarstaðan sé sterk sem að þýði að mögulega sé von á talsverðum söluvexti á næstu misserum. Kaup Marels á brasilíska framleiðandanum Sulmaq eins og sér eykur sölu félagsins um 2,5 prósentustig á ári. Enn fremur geri stjórnendur Marels ráð fyrir því að meðalvöxtur tekna verði um tólf prósentustig næstu tíu árin. 

Stikkorð: Arion banki Marel greining undirverðlagt
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is