Greinendur meta gengi á hlutabréfum í Arion banka á bilinu 18-56% hærra en útboðsgengi bréfanna. Þetta kemur fram í Fréttablaðinu í morgun en blaðið hafði verðmöt frá ráðgjafafyrirtækjunum IFS og Capacent undir höndum.

Í greiningu IFS er gengi bréfanna í bankanum metið 18 til 37 prósent hærra en útboðsgengið og er því spáð að vaxtamunur bankans muni lækka á næstu árum vegna aukinnar samkeppni og örrar tækniþróunar. Þá kemur einnig fram að fyrirtækið meti að bankinn muni fækka starfsmönnum en frekar og eiginleg útibú muni í rauninni leggjast af. Muni það spara talsverða fjármuni.

Greinendur Capacent meta gengi bréfa í Arion 34 til 56 prósent hærra en útboðsgengið en benda jafnframt á að hæpið sé að gera ráð fyrir miklum vexti bankans til framtíðar. Íslenskt bankakerfi sé þess eðlis að núverandi rekstrarform þess einskorðist við Ísland og fólksfjölgun hérlendis.

Leiðarar, pistlar og skoðanadálkar um Arion banka:

Fleiri fréttir um málefni Arion banka: