*

mánudagur, 21. september 2020
Fólk 11. desember 2019 10:54

Arion ræður Styrmi frá Bandaríkjunum

Styrmir Sigurjónsson hefur verið ráðinn framkvæmdastjóri upplýsingatæknisviðs Arion banka.

Ritstjórn
Aðsend mynd

Styrmir Sigurjónsson hefur verið ráðinn framkvæmdastjóri upplýsingatæknisviðs Arion banka og mun hefja störf þann 17. febrúar næstkomandi.

Styrmir hefur reynslu í upplýsingatækni og vöruþróun en frá árinu 2009 hefur hann starfað hjá Natera í Bandaríkjunum. Natera sérhæfir sig á sviði erfðagreiningar og er skráð í Nasdaq CM kauphöllina.

Styrmir hefur frá árinu 2012 gegnt ýmsum stjórnunarstörfum hjá Natera, verið framkvæmdastjóri rannsóknar og vöruþróunar frá árinu 2017 og stýrt yfir 200 manna þróunarteymi sem er staðsett í mörgum löndum. Áður en Styrmir höf störf hjá Natera starfaði hann hjá Straumi fjárfestingarbanka, FL Group og fjárfestingarbanka Citi.

Styrmir er með doktors- og meistarapróf í rafmagnsverkfræði frá Stanford og C.S. próf í rafmagns- og tölvuverkfræði frá Háskóla Íslands. Styrmir er giftur Berglindi Erlingsdóttur mannfræðingi og eiga þau þrjú börn.