*

mánudagur, 11. nóvember 2019
Fólk 31. október 2019 13:13

Arnar Þór í framkvæmdastjórn Isavia

Arnar Þór Másson er nýr framkvæmdastjóri mannauðs og stefnumótunar hjá Isavia.

Ritstjórn
. Arnar Þór starfaði á árunum 2016-2019 í stjórn European Bank for Reconstruction and Development í London
Aðsend mynd

Isavia hefur ráðið Arnar Þór Másson sem framkvæmdastjóra mannauðs og stefnumótunar, að því er kemur fram í tilkynningu frá félaginu. Arnar Þór starfaði á árunum 2016-2019 í stjórn European Bank for Reconstruction and Development í London og á árunum 2010-2016 var hann skrifstofustjóri hjá forsætisráðuneytinu. Hann situr einnig í stjórn Marel og er varaformaður stjórnar.

Arnar Þór er með meistaragráðu í stjórnmálafræði frá London School of Economics and Political Science. 

Í tilkynningunni er greint frá því að samhliða ráðningu Arnars verði áherslubreytingar innan Isavia. Vinna við stefnumótun og ábyrgð á innleiðingu stefnu verði færð inn á mannauðssvið, sem mun hér eftir bera heitið mannauður og stefnumótun. Með þessu sé lögð meiri áhersla en áður á að styðja við stjórnendur og starfsmenn til að ná þeim markmiðum sem Isavia setur hverju sinni.