Árni Sigurjónsson, yfirlögfræðingur Marel, var kjörinn formaður Samtaka iðnaðarins ( SI ) á aðalfundi félagsins í morgun til næstu tveggja ára. Guðlaug Kristbjörg Kristinsdóttir, stjórnarformaður Límtré Vírnets og Securitas , gaf einnig kost á sér í kjörinu. Varð niðurstaðan sú að Árni hlaut 71,5% atkvæða. Tekur Árni við formennsku af Guðrúnu Hafsteinsdóttir, framkvæmdastjóra Kjöríss en hún gaf ekki kost á sér til endurkjörs.
Alls gáfu sjö kost á sér til almennrar stjórnarsetur og var kosið um fimm sæti. Þeir sem setjast í stjórn Samtaka iðnaðarins til næstu tveggja ára:
- Arna Arnardóttir, gullsmiður.
- Egill Jónsson, Össur.
- Margrét Ormslev Ásgeirsdóttir, CRI .
- Valgerður Hrund Skúladóttir, Sensa.
- Vignir Steinþór Halldórsson, MótX.
Fyrir í stjórn Samtaka iðnaðarins eru:
- Ágúst Þór Pétursson, húsasmíðameistari.
- Guðrún Halla Finnsdóttir, Norðurál.
- Magnús Hilmar Helgason, Launafl.
- Sigurður R. Ragnarsson, ÍAV.